Auld Lang Syne
Robert Burns (1759 –1796)
Should auld acquaintance be forgot,
And never brought to mind?
Should auld acquaintance be forgot,
And auld lang syne!
Chorus:
For auld lang syne, my dear,
For auld lang syne.
We’ll tak a cup o’ kindness yet,
For auld lang syne.
And surely ye'll be your pint stowp!
And surely I’ll be mine!
And we’ll tak a cup o’ kindness yet,
For auld lang syne.
Chorus
We twa hae run about the braes,
And pou’d the gowans fine;
But we’ve wander’d mony a weary fit,
Sin’ auld lang syne.
Chorus
We twa hae paidl’d in the burn,
Frae morning sun till dine;
But seas between us braid hae roar’d
Sin’ auld lang syne.
Chorus
And there’s a hand, my trusty fere!
And gie’s a hand o’ thine!
And we’ll tak a right gude-willie waught,
For auld lang syne.
Chorus
Wishing all of our readers the very best for a Happy New Year. As 2026 begins, we thank you for being part of our community, and we look forward to another year of shared stories, thoughtful making and enduring craft.
-
Image Credits:
Lead: Carnival Night, Memorial Park, Coventry (Detail), Walter Ashworth (1883–1952), Herbert Art Gallery & Museum.
Image 2: Fireworks, J. S. Holmes (active 1850–1867), Hartlepool Museums and Heritage Service.